Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Theewaterskloof-tak sit selfdoenaksies in Botrivier voort

DeurAfriForum 06/08/202606/08/2026

Die AfriForum-tak in Theewaterskloof het in Julie instandhoudingswerk in Botrivier voortgesit nadat swak munisipale dienslewering daartoe gelei het dat die basiese instandhouding van openbare ruimtes nie plaasgevind het nie. Vrywilligers het oorhangende takke in die middedorp, onder meer by die Botrivier-treinstasie, afgesaag en verwyder as deel van die tak se voortdurende pogings om Botrivier skoon, netjies en veilig te hou.

“Die tak se selfdoenaksies is daarop gemik om ’n tasbare verskil in die dorp te maak. Hoewel dit nie die gemeenskap se verantwoordelikheid is om munisipale pligte oor te neem nie, kan inwoners ook nie toekyk hoe hul omgewing agteruitgaan nie,” sê Carel Kriel, voorsitter van AfriForum se Theewaterskloof-tak.

AfriForum se Theewaterskloof-tak sal voortgaan om gereelde selfdoenaksies, insluitend grassny- en instandhoudingsprojekte, in Botrivier aan te pak. Die tak doen ook ’n beroep op inwoners om betrokke te raak en saam te werk om die dorp netjies en leefbaar te hou, terwyl druk op die munisipaliteit uitgeoefen word om sy grondwetlike pligte na te kom.

Raak vandag by jou naaste AfriForum-tak betrokke. Besoek www.wordlid.co.za vir meer inligting.