Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

#OnsSalSelf | Mediaverklarings | Omgewingsake Mediaverklarings | Waterkrisisportaal

Wysigingswetsontwerp op Waterdienste: AfriForum waarsku gesentraliseerde beheer sal nie krisis oplos nie

DeurAfriForum 02/03/202602/03/2026

Klankgreep: Lambert de Klerk (Afrikaans)

Klankgreep: Lambert de Klerk (Engels)

AfriForum het formele kommentaar op die Wysigingswetsontwerp op Waterdienste by die Parlementêre Portefeuljekomitee oor Water en Sanitasie, ingedien. AfriForum verwelkom sekere bepalings wat daarop gemik is om aanspreeklikheid te versterk – veral persoonlike aanspreeklikheid, verbeterde afdwingingsmeganismes en sommige regeringshervormings – maar waarsku dat die wetsontwerp in sy huidige vorm, die strukturele swakhede agter die land se waterkrisis kan verskans eerder as om dit op te los.

AfriForum voer aan dat die krisis met waterdienste nie hoofsaaklik veroorsaak word deur ’n gebrek aan wetgewing nie, maar deur institusionele mislukkings, gepolitiseerde tegniese aanstellings, verswakte toesig, onvoldoende afdwinging en dalende professionele kapasiteit. Die voortdurende realiteite van mislukkings met afvalwaterbehandelings, rioolbesoedeling en ernstige bedreigings vir watergehalte, onderstreep sistemiese operasionele ineenstorting wat wetgewende hervorming alleen nie kan regstel nie. Institusionele onafhanklikheid, bevoegdheid en konsekwente verantwoordbaarheid is ook nodig vir wetgewende hervorming om suksesvol te wees.

“Ons het reeds wette wat pligte en standaarde voorskryf. Daar ontbreek egter professionele kapasiteit, onafhanklike oorsig en deeglike, deurlopende afdwinging. Sonder die nodige voorsorgmaatreëls kan nuwe magte lei tot sentralisasie en politieke inmenging in plaas van verbeterde dienslewering,” sê Lambert de Klerk, bestuurder vir Omgewingsake by AfriForum.

AfriForum doen ’n beroep op die portefeuljekomitee om die wetsontwerp te verfyn deur institusionele onafhanklikheid te versterk, tegniese bevoegdheid te prioritiseer, prosedurele waarborge vir intervensies en afdwinging te verduidelik, breër deelname aan dienslewering moontlik te maak om sodoende duursame sektorherstel te ondersteun en meer privaatsektorbetrokkenheid en deelname aan dienslewering moontlik te maak.