Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Ons is Afrikaners

Sakelui raak belasting baas by eerste AfriForum Sakenetwerk-geleentheid in Kaapstad vir 2026

DeurAfriForum 26/02/202626/02/2026

AfriForum Sakenetwerk vir die Kaapstadse noordelike voorstede het die jaar op ’n hoë noot afgeskop met hul eerste netwerkgeleentheid vir 2026. Ongeveer 40 gaste het dié geleentheid op 25 Februarie by Chocolat Bistro bygewoon. Letha Stofberg, stigter van Pienaar Stofberg Bestuurskonsultante, het as gasspreker opgetree.

Tydens die funksie het elke gas die geleentheid gehad om hulself en hul onderneming in 30 sekondes voor te stel. Hierna het Stofberg die gaste meer vertel oor onder meer belasting vir die verskillende ondernemingsenititeite en hoe om op ’n wettige manier minder belasting te betaal. Die oggend is afgesluit met ’n heerlike ontbyt en verdere netwerk.

Volgens Tania Verdoes, voorsitter van AfriForum Sakenetwerk Noordelike Voorstede, is daar opwindende gebeurtenisse om na uit te sien hierdie jaar waaronder verskeie netwerkgeleenthede, opleidingsessies, werkswinkels en dan die twee groot geleenthede naamlik die Tinteltong Toekennings en die Entrepreneur van die Jaar-kompetisie.

Die Tinteltong Toekennings is daarop gemik om ondernemings wat op ’n kreatiewe manier in Afrikaans besigheid doen, te beloon. Die wenner word deur ’n stemproses van die plaaslike AfriForum Sakenetwerk en die publiek bepaal. Die Entrepreneur van die Jaar-kompetisie is ’n nasionale kompetisie, waarvan die 2025-reeks binnekort op AfriForumTV beskikbaar sal wees.

AfriForum Sakenetwerk is ’n netwerk van Afrikaanse sakelui wat hom beywer vir die groei van gemeenskapsekonomie deur volhoubare, selfstandige ondernemings. Die netwerk skep geleenthede vir Afrikaanse sakelui om volhoubaar te wees deur met mekaar bande te smee en sake te doen tot bevordering van selfstandige gemeenskappe.

Die netwerk se dienste word gelewer aan bestaande klein en mediumgrootte ondernemings, asook aan entrepreneurs en voornemende entrepreneurs.

Om deel te word van AfriForum Sakenetwerk, besoek www.afriforumsakenetwerk.co.za.