Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Christiana-tak woeker om dorp skoon te maak

DeurAfriForum 27/02/202627/02/2026

Die AfriForum-tak in Christiana het van 17 Februarie tot 23 Februarie hard gewerk om verskeie dele van die dorp skoon te maak. Dié tak het saam met die plaaslike AfriForum Jeug-lede gespan om gras te sny en vullis op verskeie plekke in die dorp op te tel.

Daar is gras gesny, bome gesnoei en vullis verwyder op die hoeke van Best- en Dirkie Uys-, Eeufees en Presidentstraat, asook die hoeke van President- en Pretorius-, Diamant- en Christianastraat.

Die tak het 20 swartsakke vol vullis verwyder deur die loop van hierdie skoonmaakaksie.

Volgens Jp Nel, AfriForum se distrikskoördineerder vir Stellaland, is die straathoeke wat toegegroei is ’n veiligheidsrisiko aangesien dit sigbaarheid belemmer en die risiko vir ongelukke verhoog.

“AfriForum se Christiana-tak werk hard daaraan om ’n beter omgewing vir al die inwoners van hierdie gemeenskap te skep. Een waarop elkeen kan trots wees. Om gras te sny help hiermee en dit verhoog veiligheid aangesien misdadigers ook makliker in die lang gras kan wegkruip. Die tak sal aanhou om te werk om die dorp te verbeter,” Nel.

Die AfriForum- en AfriForum Jeug-tak in Christiana beplan om verskeie aksies en projekte aan te pak deur die loop van die jaar en wil graag die gemeenskap uitnooi om by hierdie projekte betrokke te raak. Besoek www.wordlid.co.za om betrokke te raak.