Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Verkeersligte in Oos-Rand bly kopseer vir inwoners

DeurAfriForum 27/02/202627/02/2026

AfriForum doen ’n beroep op die Ekurhuleni Metropolitaanse Munisipaliteit om dringend werk te maak daarvan om verkeersligte in verskeie dele van die Oos-Rand te herstel. Sommige verkeersligte is al vir langer as ses maande buite werking.

AfriForum het in November verlede jaar ’n opname onder inwoners van Oos-Rand gedoen om te bepaal wat die impak van dié verkeersligte is. Daar het 396 respondente aan die opname deelgeneem en die uitslae is aan Lehlohonolo Gomo, hoof van die Ekurhuleni Metropolitaanse Munisipaliteit se Departement vir Paaie en Vervoerbestuur. Die respondente het vanuit Alberton, Benoni, Birchleigh, Boksburg, Brakpan, Clayville, Geduld, Kempton Park, Springs, Edenvale, Germiston, Tembisa en Vosloorus aan die opname deelgeneem.

Die respondente moes onder meer aandui of hulle oor die afgelope 12 maande foutiewe verkeersligte teëgekom het, of hulle veiligheid in gevaar gestel is as gevolg van hierdie verkeersligte en of hulle in ’n botsing was as gevolg van verkeersligte wat nie gewerk het nie. Op die laaste vraag het 82,24% aangedui dat hulle ’n botsing net-net vrygespring het by een van hierdie verkeersligte terwyl 30,87% wel weens hierdie verkeersligte in botsings betrokke was.

Hoewel 64,52% van respondente hierdie verkeersligte by die metro aangemeld het, is slegs 4,56% van hierdie klagtes suksesvol opgelos.

Volgens Nadia Olckers, AfriForum se distrikskoördineerder vir die Oos-Rand, dui hierdie syfers op infrastruktuur wat verval en ’n fundamentele tekort aan vermoë en aanspreeklikheid van die metro se kant af om die omvang van hierdie probleem ernstig op te neem.

“Hierdie kwessie kort onmiddellike optrede van die Ekurhuleni-metro af. Ons versoek ook dat daar duidelikheid gegee word oor die stappe wat gedoen gaan word om die verkeersligte oor die metro heen te herstel en in stand te hou,” sluit Olckers af.

Besoek www.wordlid.co.za om by jou naaste tak betrokke te raak.