Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Uitsig-buurtwag en ander verbeter padveiligheid by Onze Rust Primêre Skool

DeurAfriForum 20/03/202620/03/2026

AfriForum se Uitsig-buurtwag het op 14 Maart saam met verskeie AfriForum-afdelings, vrywilligers en ander organisasies gewerk om ’n opknappingsinisiatief by die Onze Rust Primêre Skool in Bloemfontein aan te pak. Tydens hierdie aksie is padmerke by die skool geverf om dié area veiliger te maak vir leerders, ouers en motoriste.

Duidelike padmerke is belangrik vir padveiligheid veral in areas waar kinders daagliks die pad gebruik om by die skool uit te kom.

Hierdie aksie is in samewerking met onder meer AfriForum Jeug, die AfriForum911-reaksie-eenheid, AfriForum Dienste, Mata Security, VR Med en Fire Ops SA (Bloemfontein) aangepak.

“Wanneer gemeenskappe, veiligheidsorganisasies en vrywilligers saamwerk, kan daar tasbare verbeterings in ons omgewing aangebring word. Aksies soos hierdie wys dat ons nie hoef te wag vir verandering nie, ons is ’n gemeenskap wat self ’n verskil maak, veral wanneer dit by die veiligheid van ons kinders kom,” sê Christo Groenewald, AfriForum se distrikskoördineerder in Bloemfontein.

AfriForum bedank graag elke organisasie en vrywilliger wat hul tyd, energie en hulpbronne beskikbaar gestel het om hierdie projek moontlik te maak. “Hierdie tipe samewerking speel ’n sleutelrol om veiliger omgewings vir kinders en gemeenskappe te skep. Saam kan gemeenskappe bou aan veiliger ruimtes en aan ’n hoopvolle toekoms,” sluit Groenewald af.

Besoek www.wordlid.co.za om by jou naaste tak aan te sluit en só ’n daadwerklike verskil in jou gemeenskap te maak.