Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Oudtshoorn-tak help skole om veiligheid op te skerp

DeurAfriForum 07/05/202607/05/2026

AfriForum se Oudtshoorn-tak het verlede week by Laerskool Wesbank en Langenhoven Gimnasium veiligheidsoudits gedoen om dié skole se veiligheid te help opskerp.

Die oudit handel oor basiese veiligheidsverwante kwessies soos omheinings, buite-beligting en kameras. Dit is só ontwerp dat die skool dit kan gebruik om kwesbare areas te identifiseer, en die nodige verbeteringe aan te bring. Die oudit stel ’n skool ook in staat om gebeurlikheidsplanne in plek te kry vir verskillende tipes noodgevalle, soos byvoorbeeld brande, vloede, gewelddadige protesaksies, of ontvoerings.

“Dit is van kardinale belang dat die kinders in ons gemeenskappe in ’n veilige omgewing kan skoolgaan. Skole is baie keer ’n sagte teiken vir opportunistiese oortreders en daarom is dit belangrik om proaktief te wees. Ons kan nie toelaat dat misdaad ’n vastrapplek in ons gemeenskap kry nie, daarom is dit vir ons by AfriForum belangrik om veiligheid in ons gemeenskap in geheel op te skerp en nie net spesifiek in die onderskeie woonbuurte nie,” sê Marthinus Erasmus, AfriForum se distrikskoördineerder in die Suid-Kaap.

AfriForum se Oudtshoorn-buurtwag het ook verlede week kabeldiewe verjaag uit een van die woonbuurte uit. Die buurtwag bestaan uit vrywilligers wat hand opsteek om hul gemeenskap veilig te hou.

AfriForum moedig inwoners aan om deel te word van die tak se projekte en saam te bou aan ’n kultuur van selfdoen, verantwoordelikheid en gemeenskapstrots. Skole kan AfriForum ook skakel indien hul ’n oudit verlang.

Sluit vandag nog aan by die Oudtshoorn-tak, en help hulle om meer te doen. Stuur ’n e-pos na marthinus.erasmus@afriforum.co.za, of skakel vir Erasmus by 081 216 9602.