Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

Ons vir jou verleng speelvak tot Junie ná groot aanvraag

DeurAfriForum 08/05/202608/05/2026

Ná ’n besonder suksesvolle openingsweek en ’n groot vraag na meer vertonings van Ons vir jou, is die speelvak van dié ikoniese musiekspel nou amptelik tot 21 Junie by AfriForum Teater verleng. As deel van die verlenging is daar boonop twee ekstra vertonings op 16 Junie (Jeugdag) bygevoeg.

Die produksie, wat oorspronklik slegs tot einde Mei sou speel, het sedert die openingsaand op 29 April sterk aanklank by gehore gevind, met verskeie vertonings wat reeds uitverkoop is. Die speeltyd is verleng om meer gehore die geleentheid te gee om die produksie te beleef.

Ons vir jou, die Tweede Vryheidsoorlog-musiekspel uit die pen van Deon Opperman en Sean Else, met musiek deur Johan Vorster, vertel ’n aangrypende verhaal van oorlog, opoffering, liefde en menswaardigheid. Sedert sy oorspronklike debuut het die produksie ’n blywende indruk op Suid-Afrikaanse gehore gemaak, en die huidige weergawe bring dié verhaal opnuut na die verhoog vir ’n nuwe generasie teatergangers.

Volgens Marné Jooste, AfriForum Teater se bemarking-en-kommunikasiebeampte, is die reaksie op die produksie besonder bemoedigend. “Die reaksie van gehore bevestig weer hoe diep Ons vir jou mense raak. Dit is vir ons ’n voorreg om hierdie verhaal langer met gehore te kan deel en om te sien hoe mense hulself en hul geskiedenis daarin herken.”

Die produksie word aangebied met ’n grootskaalse stelontwerp deur Wilhelm Disbergen en ’n rolverdeling gelei deur Bok van Blerk, saam met ’n ensemble van verskeie bekende teaterkunstenaars onder meer Nadia Beukes, Zöricke Snyman en vele meer.

Kaartjies vir die verlengde speeltyd is reeds hier beskikbaar.