Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mooirivier-buurtwagte lê 1 551 km af om sigbaarheid te verhoog tydens nasionale massapatrollie

DeurAfriForum 01/04/202601/04/2026

AfriForum se Mooirivier-buurtwagte het op 27 en 28 Maart in samewerking met die plaaslike Suid-Afrikaanse Polisiediens (SAPD), gemeenskapspolisiëringsforum (GPF), gemeenskapslede en verskeie sekuriteitsmaatskappye deelgeneem aan die organisasie se nasionale massapatrollie. Die patrollie het omstreeks 16:00 begin en tot 04:00 die volgende geduur. Die nasionale massapatrollie het ten doel om sigbaarheid te verhoog.

Altesaam 128 AfriForum-patrolleerders het aan die patrollie deelgeneem en 1 551 km in 67 voertuie afgelê in hierdie tyd. Daar was ook nege lede van onderskeidelik die plaaslike SAPD, GPF en ander veiligheidsrolspelers wat deelgeneem het. AfriForum se buurtwagte in Bothaville, Sasolburg, Viljoenskroon, Songloed, Potchefstroom en Stilfontein het deelgeneem in hul onderskeie areas.

Danksy die verhoogde sigbaarheid gedurende die massapatrollie is geen insidente in die streek aangemeld nie.

Die buurtwagte in Bothaville en Potchefstroom het van die geleentheid gebruik gemaak om hul gebeurlikheidsplanne in te oefen waar onder ’n gebeurlikheidsplan wat gedurende onluste geïmplementeer kan word.

“Ek is baie trots op hierdie Mooirivier-buurtwagte wat altyd bereid is om aan die nasionale patrollie deel te neem. Ek bedank ook elke patrolleerder, wat elke nag bereid is om hulle tyd op te offer om na die veiligheid van hulle onderskeie gemeenskappe om te sien. Dit is ook opvallend dat die buurtwagte reeds planne maak om ten spyte van die vreeslike brandstofpryse, steeds effektief na hulle dorpe se veiligheid om te sien,” sê Alta Pretorius, AfriForum se distrikskoördineerder vir die Mooirivier.

Raak vandag nog by AfriForum se buurtwagte betrokke by www.afriforumbuurtwag.co.za.