Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Knysna-tak verfraai Buffelsbaai voor toestroming van toeriste oor Paasnaweek

DeurAfriForum 02/04/202602/04/2026

AfriForum se Knysna-buurtspan het hul projek wat daarop gemik is om Buffelsbaai voor die aanvang van die Paasnaweek te verfraai, suksesvol voltooi. Die span het verskeie padtekens oorgeverf en sodoende die veiligheid van toeriste verseker wat na verwagting dié naweek op Buffelsbaai gaan toesak.

Tydens die projek het die AfriForum-buurtspan meer as 100 liter padverf gebruik om padmerke en spoedhobbels in die kusdorpie oor te verf. Die projek het oor ’n tydperk van meer as twee weke gestrek, waartydens 36 spoedhobbels en stopstrate oorgeverf is.

Volgens Marthinus Erasmus, AfriForum se distrikskoördineerder vir die Suid-Kaap, is die strate van Buffelsbaai nou aansienlik veiliger vir vakansiegangers. “Die nuutgeverfde padmerke en spoedhobbels sal verseker dat vakansiegangers maklik en veilig die gebied kan navigeer,” sê Erasmus.

Die Knysna-buurtspan het reeds verskeie suksesvolle projekte aangepak. In November verlede jaar het die span onder meer die publieke badkamers in Galjoenstraat in Buffelsbaai opgeknap, oorgeverf en herstel vir die publiek se gebruik.

“Ons sal voortgaan om die omgewing van Knysna te verfraai deur projekte soos hierdie aan te pak,” sluit Erasmus af.

Inwoners kan AfriForum Dienste besoek om die herstel van ’n slaggat of verf van ’n padmerk te borg óf by die Knysna-tak as lid aan te sluit om hulle te help om meer te doen. Stuur ’n e-pos na marthinus.erasmus@afriforum.co.za of skakel Erasmus by 081 216 9602 vir meer inligting.