Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Knysna-buurtspan rol moue op en maak ’n verskil gedurende April

DeurAfriForum 05/05/202605/05/2026

Die AfriForum-buurtspan in Knysna het gedurende April gewys dat hulle nie terugdeins vir harde werk nie. Dié span, wat deel vorm van die organisasie se Knysna-tak, het in hierdie tyd verskeie projekte in Knysna en Sedgefield aangepak om die omgewing te verbeter midde van diensleweringstekorte vanaf die munisipaliteit.

Dié span het sowat 1 300 m² gras in ’n oop stuk veld in die Rexford area gesny en ’n verdere 600 m² gras by ’n oop erf in Sedgefield gesny.

Daarbenewens het die buurtspan ook hul slag gewys wanneer dit kom by die herstel van slaggate. Daar is ongeveer 5 ton teer ingespan om slaggate op verskeie plekke in Knysna te herstel. Die span het onder meer 3.4 ton teer ingespan om ’n reuseslaggat in Lloydstraat te herstel. Gemeenskapslede het fondse ingesamel om hierdie aksie ’n sukses te maak. Die span het ook spoedhobbels in Dikkopstraat oorgeverf sodat dit duideliker sigbaar is veral in die aande.

“Ons glo dat ware vooruitgang moontlik is wanneer gemeenskappe eienaarskap neem van hul omgewings, en deur praktiese aksies soos hierdie hul omgewing verbeter. Inwoners moet besef dat die enigste verweer teen verval en agteruitgang weerbare en georganiseerde gemeenskappe is,” sê Marthinus Erasmus, AfriForum se distrikskoördineerder vir die Suid-Kaap.

AfriForum bly daartoe verbind om praktiese oplossings te bied en volhoubare projekte te dryf wat gemeenskappe bevoordeel.

Een van die tak se volhoubare inisiatiewe is ’n betroubare herwinningsdiens wat aan inwoners en besighede gebied word. Belangstellendes kan inteken vir ’n weeklikse diens teen R240 per maand of ’n tweeweeklikse diens teen R140 per maand, dit sluit ’n groen wieldrom in. Hierdie projek dien as ’n praktiese oplossing om die uitwerking van Knysna se vulliskrisis te help versag.

AfriForum moedig inwoners aan om deel te word van die tak se projekte en saam te bou aan ’n kultuur van selfdoen, verantwoordelikheid en gemeenskapstrots.

Sluit vandag nog aan by die Knysna-tak, en help hulle om meer te doen. Stuur ’n e-pos na marthinus.erasmus@afriforum.co.za, of skakel vir Erasmus by 081 216 9602.