Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Brakpan-tak bemagtig gemeenskapslede deur weeklikse vuurwapenopleiding

DeurAfriForum 18/09/202618/09/2026

Die Gemeenskapsveiligheidsforum van AfriForum se Brakpan-tak bemagtig weekliks sy lede deur gratis vuurwapenopleiding aan te bied. Hierdie opleidingsinisiatief het ten doel om lede se kennis, verantwoordelike vuurwapenhantering en praktiese vaardighede voortdurend te ontwikkel en uit te brei.

Verskeie vaardighede en aspekte van persoonlike en gemeenskapsveiligheid word stelselmatig aangeleer en ontwikkel. Die opleiding sluit onder meer taktiese beweging, situasiebewustheid, persoonlike verdediging, voertuigtegnieke en ander relevante veiligheidsvaardighede in. Die verskillende opleidingsaspekte bou aanvullend op mekaar voort om lede se kennis en praktiese vermoë oor tyd verder te versterk.

Elke Proto14C-lid is ’n aktiewe deelnemer aan hierdie ontwikkelingsinisiatief. Verskeie lede dra ook hul kennis en ervaring by as mede-instrukteurs of baanoffisiere. Hierdie deurlopende ontwikkeling skep waardevolle kapasiteit binne die gemeenskap en stel lede in staat om, waar dit wettig en toepaslik is, ’n betekenisvolle bydrae tydens gesamentlike wetstoepassingsoperasies saam met en onder leiding van die plaaslike SAPD- en EMPD-wetstoepassingsorgane te lewer.

“Gemeenskapsveiligheid begin by verantwoordelikheid, goeie opleiding en deurlopende ontwikkeling. Deur ons lede toegang tot hierdie opleidingsgeleenthede te gee, wil ons help om verantwoordelike en bekwame gemeenskapslede verder te bemagtig. Ons is dankbaar vir vennote soos Elite Defensive Strategies wat ’n waardevolle rol speel om hierdie ontwikkeling moontlik te maak,” sê Danie van der Merwe, opleidingsinstrukteur en bestuurslid by AfriForum se Brakpan-tak.

Die Brakpan-tak nooi belangstellende gemeenskapslede uit om meer oor hierdie en die tak se ander inisiatiewe uit te vind en aktief by projekte in hul gemeenskap betrokke te raak.

Vir meer inligting, of om by AfriForum Brakpan-tak se verskeie inisiatiewe betrokke te raak besoek www.wordlid.co.za.