Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Alle oë op Nersa om billike elektrisiteitspryse vir verbruikers te verseker

Deidré Steffens (Afrikaans)

AfriForum het duidelikheid van die Nasionale Energiereguleerder van Suid-Afrika (Nersa) versoek oor of die energiereguleerder die akkuraatheid van data wat in munisipale kostestudies gebruik word, verifieer. Hierdie studies is van kritieke belang in die bepaling van kragtariefverhogings.

Dit volg op ’n beduidende verskuiwing in die regulatoriese landskap, gedryf deur AfriForum se hofaksies, wat vir die eerste keer daartoe gelei het dat lisensiehouers van Nersa kostestudies saam met hul tariefaansoeke indien. In nog ’n eerste het Nersa hierdie studies openbaar gemaak, wat noukeurige ondersoek daarvan deur belanghebbendes en die publiek moontlik maak. Lisensiehouers – waarvan die meerderheid munisipaliteite is – het nou hul aansoeke ingedien en Nersa sal na verwagting sy finale beslissings op 8 Mei maak. Ernstige kommer het egter ontstaan oor die geloofwaardigheid van hierdie studies.

“Die eindresultaat van ’n kostestudie is slegs so betroubaar soos die data wat daarin gaan,” sê Deidré Steffens, adviseur vir Plaaslikeregeringsake by AfriForum. “As munisipaliteite onakkurate of opgeblaasde data indien, sal die gevolglike tariewe nie die werklike koste van elektrisiteitsvoorsiening weerspieël nie en verbruikers sal uiteindelik die prys betaal.”

AfriForum vra spesifiek of Nersa die data wat in hierdie studies gebruik word, onafhanklik verifieer en watter maatstawwe of datastelle gebruik word om die akkuraatheid van munisipale voorleggings te toets.

AfriForum beklemtoon dat die verantwoordelikheid nou vierkantig by Nersa berus om te verseker dat hierdie studies geloofwaardig en verdedigbaar is. Indien die data onbetroubaar blyk te wees, het Nersa beide die gesag en die verpligting om tariefverhogings te verwerp of verdere regulatoriese stappe teen lisensiehouers te doen wat nie aan die vereistes voldoen nie.

“Dit is ’n bepalende oomblik. Vir die eerste keer is daar deursigtigheid in die stelsel, maar deursigtigheid sonder verantwoordbaarheid beteken baie min. Alle oë is nou op Nersa om te bepaal of dit voldoening sal afdwing en kragverbruikers teen onregverdigbare verhogings sal beskerm.”

AfriForum sal voortgaan om die proses noukeurig te moniteer en verdere stappe te doen waar nodig om billike en wettige tariefbepaling te verseker.