Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mpumalanga-protospanne skerp vaardighede op tydens scenario inoefening

DeurAfriForum 01/09/202601/09/2026

AfriForum se protospanne in Mpumalanga het die afgelope naweek (28 en 29 Augustus) opleiding ondergaan waartydens hulle ’n scenario ontvang het en hul kennis moes inspan om die beste eindresultaat te ontvang. Die opleiding het op ’n verlate plaas buite Chrissiesmeer plaasgevind en protospanlede van onder meer Delmas, Middelburg, Standerton, Piet Retief, Machadodorp en Nelspruit het deelgeneem.

Gedurende hierdie scenario inoefening het lede in hul volle taktiese drag kompleet met koeëlvaste baadjies, nagsigtoerusting en handradio’s deelgeneem om ware omstandighede so na as moontlik na te boots.

Volgens Hennie Bekker, AfriForum se streekshoof vir Mpumalanga en Limpopo, was die doel van hierdie scenario inoefening om opleiding minder staties te maak en lede ’n geleentheid te gee om te reageer soos wat hulle sou indien ’n soortgelyke situasie werklik sou plaasvind.

“Gewoonlik vind hierdie tipe opleiding met statiese teikens plaas wat nie terugskiet nie, maar gedurende hierdie inoefening het ons die protospanlede in twee groepe verdeel en met Airsoft-gewere toegerus waarmee hulle op mekaar kon skiet. Dit het dus die gevoel van werklike omstandighede geskep sonder die risiko’s wat uiteraard daarmee saamgaan,” verduidelik Bekker.

Die protospan-gilde is ook gedurende hierdie opleiding op die been gebring om protospanne in staat te stel om meer opleidingsgeleenthede soos hierdie te kan reël. Die gilde sal aan verskillende protospanne die geleentheid gee om ’n scenario op te stel, die ligging te kies en gasheer te speel vir ander protospanne.

“Hierdie tipe oefeninge moet gereeld plaasvind sodat protospanlede in voeling kan bly met hul opleiding en nie hul vaardighede verleer nie. Dit is die ideale omstandighede om hul kennis en vaardighede geslyp te hou en ons sien uit na die volgende geleentheid,” sluit Bekker af.