Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum-tak en vrywilligers in Sasolburg hou gras netjies

DeurAfriForum 22/04/202622/04/2026

Gedurende die eerste vier maande van 2026 het die AfriForum-tak in Sasolburg met net twintig vrywilligers, vyf grassnyers en die wil om hulle dorp netjies te hou, 122 hektaar se gras gesny en 15 hektaar se openbare gronde skoongemaak. Verskeie groenstroke, parke, openbare plekke en ook langs die wildskamp by die Leeuspruit word deur die tak netjies gehou.

“Dit is merkwaardig dat die tak Sasolburg en Vaalpark met slegs ’n paar vrywilligers mooi netjies hou. As gras nie netjies is nie, moedig dit rommelstrooiery aan en dit is ook nie esteties en veilig vir die inwoners nie,” sê Alta Pretorius, AfriForum se distrikskoördineerder vir Mooirivier.

Behalwe hierdie groot werk wat hulle gereeld doen, het hulle ook die plaaslike vullisterrein geoudit en tot die slotsom gekom dat die terrein nie op standaard nie. Daar is ook reeds by een skool ’n veiligheidsoudit gedoen en daar word beplan om dit by meer skole te doen om die skole te help om optimale veiligheid ter wille van die skoliere te handhaaf.

Verder doen die buurtwag gereeld saans apteekdiens om toe te sien dat die personeel wat die noodapteek beman, veilig is wanneer hulle toesluit. Daar word ook gereeld op Sondae vir twee ure by die begraafplaas diens gedoen, sodat families hul geliefdes se grafte in vrede en veiligheid kan besoek. Minstens 10 voertuie maak op Sondae van hierdie geleentheid gebruik.

“Net die deelname en bydraes van meer vrywilligers kan AfriForum se aksies verder volhoubaar uitbrei en versterk,” sê Braam Muller, voorsitter van AfriForum se Sasolburg-tak.

Die gemeenskap word aangemoedig om by dié AfriForum-tak en -buurtwag betrokke te raak om sodoende ’n daadwerklike verskil te maak: Kontak vir Muller by 076 125 7773.