Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

AfriForum stel jongste vakansieveiligheidsgids bekend om gesinne teen seisoenale misdaad te beskerm

DeurAfriForum 02/12/202502/12/2025

Klankgreep: Jacques Broodryk (Afrikaans)

AfriForum het vandag sy jongste gids met omvattende wenke bekendgestel wat Suid-Afrikaners sal help om hulself en hul geliefdes tydens die Desember-en-Januarie-feestyd te beveilig. Gedurende hierdie vakansietydperk neem misdaad jaarliks toe en raak gemeenskappe toenemend kwesbaar.

Die gids bevat praktiese wenke en duidelike riglyne oor verskillende scenario’s met betrekking tot veiligheid en fokus spesifiek op die uitdagings wat gesinne jaarliks tydens die vakansie in die gesig staar.

“Misdadigers gaan nie met vakansie nie,” sê Jacques Broodryk, AfriForum se woordvoerder vir Gemeenskapsveiligheid. “Elke jaar sien ons ’n skerp styging in huisbrake, kapings, plaasaanvalle en ander misdaad gedurende die feestyd. Hierdie gids is ontwikkel om gesinne in staat te stel om ingelig, paraat en voorbereid te wees sodat hulle hul vakansie kan geniet sonder om hul veiligheid te kompromitteer.”

Die gids sluit onder meer die volgende in: Praktiese wenke vir motoriste oor wat om te doen wanneer jy afgetrek word, asook jou regte tydens padblokkades en -kontroles; riglyne om jou huis te beveilig wanneer jy weggaan of tuisbly; belangrike inligting oor kinderveiligheid, insluitend hoe om ontvoeringsrisiko’s te beperk; riglyne vir plaasveiligheid, waar gesinne dikwels geïsoleerd en kwesbaar is; wenke oor hoe om ysterpenlokvalle te hanteer, wat steeds op Suid-Afrikaanse snelweë voorkom; en algemene raad oor persoonlike veiligheid, insluitend hoe om jou intuïsie en situasie-bewustheid te versterk.

AfriForum moedig die publiek aan om die gids te gebruik as deel van ’n gesamentlike poging om gemeenskappe veiliger te maak deur paraatheid, samewerking en proaktiewe optrede.

Die volledige gids is gratis beskikbaar.

“Hoe meer ingelig ons gemeenskappe is, hoe moeiliker word dit vir misdadigers om suksesvol toe te slaan. Ons doen ’n beroep op almal om hierdie gids wyd en syd te deel en mekaar te help beskerm. Veiligheid is ’n spanpoging,” sluit Broodryk af.