Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum skenk padverf aan Hopetown-staatshospitaal

DeurAfriForum 09/09/202609/09/2026

AfriForum het altesaam tien liter wit padverf aan die Wege Gemeenskapsgesondheidsentrum (CHC) op Hopetown in die Noord-Kaap geskenk om die hospitaalpersoneel in staat te stel om nuwe parkeerstrepe voor die gebou aan te bring.

Tydens ’n vorige besoek aan die hospitaal het Catherine Shihamba, hoof van die fasiliteit, aan Thomas van Dalen, AfriForum se hoof van die Noord-Kaapstreek, genoem dat nuwe parkeerstrepe voor die gebou aangebring moet word, maar dat daar tans nie fondse daarvoor beskikbaar is nie.

Dalena Meintjies (verpleegster) en Thomas van Dalen.

AfriForum het die nodige padverf aan die hospitaal geskenk en die personeel gaan werk daarvan maak om die parkeerarea geverf te kry. Die inisiatief is volgens Van Dalen ’n voorbeeld van hoe gemeenskappe en staatsinstellings deur selfdoen ’n tasbare verskil kan maak.

“Dit is verblydend om te sien dat die personeel van ’n staatsinstelling nog oor so ’n mate van trots op hulle werksplek beskik dat hulle self bereid is om, waar die staat nie voorsien nie, in te spring om die plek te verfraai,” sê Van Dalen.

“AfriForum glo dat gemeenskappe nie bloot moet wag vir die staat om probleme op te los nie. Waar mense bereid is om self verantwoordelikheid te aanvaar en ’n hand by te sit, moet sulke inisiatiewe ondersteun en aangemoedig word.”

AfriForum sal voortgaan om by gemeenskappe betrokke te raak en waar moontlik ’n praktiese bydrae te lewer.