Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se suidstreek nóg VOLK-skietinstrukteurs sterker

DeurAfriForum 18/03/202618/03/2026

AfriForum se afdeling vir Gemeenskapsveiligheid het die afgelope naweek ses nuwe Vrywillige Opleidingskorps (VOLK)-skietinstrukteurs in die suidstreek opgelewer. Die kursus is in Mosselbaai aangebied en deur AfriForum-buurt- en plaaswagte in hierdie omgewing bygewoon. Buiten dat die lede tydens die opleiding as skietinstrukteurs opgelei is, het hulle ook as geakkrediteerde baanoffisiere gekwalifiseer. Dit bring die getal skietinstrukteurs in AfriForum se suidstreek, wat Wes- en Oos-Kaap insluit, nou op 50.

Die doel van hierdie kursus is om studente binne die raamwerk van die wet as gekwalifiseerde baanoffisiere op te lei om skietopleiding veilig te kan aanbied. Hulle word opgelei om basiese skietinstruksies te kan gee sodat wettige wapeneienaars hul vaardighede kan oefen ten einde te verseker dat hulle hul wapens veilig en met selfvertroue binne die raamwerk van die wet kan hanteer.

“In die lig van die aanslae wat tans daarop gemik is om wettige wapeneienaars se reg om wapenbesit te beperk, is dit vir AfriForum nou belangriker as ooit dat ons lede verantwoordelike wapeneienaars is, wat ingelig en bevoeg is in die veilige hantering van hul wettige wapens,” sê David Olivier, AfriForum se hoof vir Gemeenskapsveiligheid in die suidstreek.