Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Kuruman-Kathu-buurtspan verwyder 14,7 ton vullis gedurende Augustus

DeurAfriForum 10/09/202611/09/2026

AfriForum se Kuruman-Kathu-buurtspan het gedurende Augustus 14,7 ton vullis verwyder as deel van dié span se voortgesette werk om ’n verskil in die gemeenskap te maak. Dié twee-man-span het gedurende Augustus 166 man-ure ingesit om hierdie reusehoeveelheid vullis te verwyder.

Volgens Carel Roets van AfriForum se Kuruman-Kathu-buurtspan wys die Augustus-resultate hoe volgehoue, praktiese werk ’n tasbare verskil kan maak.

“Wanneer jy elke dag prakties werk aan die probleme wat mense in hul omgewing sien, begin jy die verskil raak sien. Die 14,7 ton vullis is vir ons ’n belangrike resultaat, maar dit verteenwoordig ook baie ure se fisiese werk deur ’n klein span.”

Roets sê die span se fokus bly daarop om sigbare probleme prakties aan te pak.

“Ons is ’n klein span, maar dit beteken nie dat ons nie ’n reuseverskil kan maak nie. Ons wil aanhou om waar ons kan, prakties tot die gemeenskap by te dra en die areas waarin ons werk, beter te laat.”

Die buurtspan se werk gaan voort en AfriForum moedig inwoners aan om self ook betrokke te raak en ’n positiewe rol in hul gemeenskappe te speel.

Besoek www.wordlid.co.za om by jou naaste tak aan te sluit en só ’n verskil in jou gemeenskap te maak.