Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum nooi waarnemende Polisieminister om aan buurtwagpatrollie deel te neem

Klankgreep: Jacques Broodryk (Afrikaans)

Klankgreeo: Jacques Broodryk (Engels)

AfriForum nooi Firoz Cachalia, die waarnemende minister van Polisie, formeel om aan een van die burgerregteorganisasie se buurtwagpatrollies deel te neem om eerstehands te sien hoe gemeenskappe oor die land heen gemobiliseer het in pogings om misdaad te bekamp. Dit volg op die minister se hernude verbintenis tot ’n hele-regering-, hele-samelewing-benadering tot die bestryding van misdaad tydens die bekendmaking van die jongste misdaadsyfers vir die derde kwartaal vir die huidige boekjaar Vrydag. AfriForum verwelkom hierdie benadering en beklemtoon die belangrikheid van formele samewerking tussen die Suid-Afrikaanse Polisiediens (SAPD) en buurtwagstrukture. AfriForum het vandag sy skriftelike uitnodiging aan Cachalia gerig om op ’n tyd en plek aan ’n patrollie deel te neem wat gerieflik is vir hom. Die doel van die uitnodiging is om die gestruktureerde, gedissiplineerde en wettige wyse te demonstreer waarop AfriForum se buurtwaglede die SAPD ondersteun.

Sedert die stigting van sy eerste buurtwag in 2012, het AfriForum se afdeling vir Gemeenskapsveiligheid tot 177 buurtwagstrukture landwyd uitgebrei. Hierdie strukture funksioneer binne gedefinieerde wetlike parameters, voldoen aan streng gedragskodes en ondergaan gestruktureerde opleidingsprogramme om professionaliteit en verantwoordbaarheid te verseker.

Opleiding binne AfriForum se buurtwagnetwerk sluit fundamentele regs- en operasionele opleiding in, asook protokolle vir kommunikasie en die rapportering van voorvalle. Sektorhoofde en koördineerders ontvang ook opleiding in leierskap en hoe om beheer te neem in sommige situasies. Deurlopende opleiding verseker dat hoë standaarde oor alle strukture gehandhaaf word.

Volgens AfriForum versterk gestruktureerde samewerking tussen buurtwagte en plaaslike SAPD-lede misdaadvoorkomingspogings, dit verbeter inligtingsdeling en dit versterk vertroue tussen gemeenskappe en wetstoepassing.

“Gemeenskappe neem op ’n verantwoordelike en georganiseerde wyse eienaarskap om hul woonbuurte te beveilig. Ons sal van die geleentheid wil gebruikmaak om die waarnemende minister te wys hoe gedissiplineerd en professioneel ons vrywilligers optree en hoe gestruktureerde samewerking met die SAPD as ’n magsvermenigvuldiger in die stryd teen misdaad kan dien,” sê Jacques Broodryk, hoofwoordvoerder vir Gemeenskapsveiligheid by AfriForum.

“Gemeenskappe het die SAPD nodig en net so het die SAPD gemeenskappe nodig. Beter samewerking sal help om veiligheid vir almal te verbeter,” sluit Broodryk af.

Letter to minister Cachalia Download