Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum lei nóg 16 protospanlede in Oos-Kaap op

DeurAfriForum 14/10/202614/10/2026

Jacques Broodryk (Afrikaans)

AfriForum het onlangs sy 30ste protospankursus in die Jeffreysbaai-omgewing in die Oos-Kaap aangebied, waar 16 AfriForum-buurtwaglede dié intensiewe opleiding voltooi het. Hierdie lede vorm nou deel van AfriForum se nasionale netwerk van protospanlede wat hoogs opgelei is om tydens hoëdruk- en noodsituasies op te tree.

Die deelnemers, wat van AfriForum se buurtwagstrukture in Gqeberha (Port Elizabeth), Jeffreysbaai, Cradock en Oos-Londen afkomstig is, het teoretiese en praktiese opleiding ontvang in onder meer taktiese vuurwapenhantering, selfverdediging, radiokommunikasie, die benadering en beveiliging van misdaadtonele, optrede tydens gewelddadige voorvalle en basiese mediese noodoptrede.

Die opleiding is daarop gemik om buurtwaglede met gevorderde vaardighede toe te rus sodat hulle veilig, gedissiplineerd en binne die raamwerk van die wet tydens ernstige noodsituasies kan optree.

“Protospanlede is gewone mense wat bereid is om buitengewone verantwoordelikheid vir die veiligheid van hul gemeenskappe te aanvaar. Hulle gee hul tyd vrywillig op om hulself op te lei en beskikbaar te stel wanneer ander mense hulp nodig het. Met elke kursus bou ons verder aan ’n landwye netwerk van goed opgeleide vrywilligers wat gereed is om verantwoordelik op te tree wanneer dit werklik saak maak,” sê Jacques Broodryk, AfriForum se hoofwoordvoerder vir Gemeenskapsveiligheid.

“Die voltooiing van hierdie kursus is egter nie die einde van die opleiding nie. Protospanlede moet hul vaardighede deurlopend inoefen en verskerp. Ons doel is om gemeenskappe oor die land heen toenemend weerbaar te maak en mense toe te rus om binne die wet ’n aktiewe rol in hul eie veiligheid te speel,” sluit Broodryk af.