Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Ottosdal-tak hard aan die werk om dié dorp te verbeter

DeurAfriForum 24/04/202624/04/2026

Die AfriForum-tak in Ottosdal het oor die afgelope twee en ’n half weke ’n groot skoonmaakprojek van stapel gestuur om die toestand van die dorp te verbeter, asook die veiligheid van die gebied op te skerp. Die tak het sewe groot leë erwe se gras gesny, takke verwyder en struike oopgesny sodat kwaaddoeners nie daarin kan skuil nie.

Meer as vier hektaar se gras is in hierdie tydperk gesny en selfs lede van die gemeenskap het ingespring om te help met die projek. ’n Boer in die omgewing van Ottosdal het onder meer sy trekker beskikbaar gestel om met die skoonmaak van die erwe te help. Verder het die tak ook die gras op sypaadjies gesny en meer as 10 sakke vullis verwyder.

“Dit is wonderlik om te sien hoe die gemeenskap hande vat en saamwerk om hul dorp weer op standaard te kry. AfriForum se Ottosdal-tak glo daarin om self in te gryp wanneer plaaslike munisipaliteite versuim om hul grondwetlike pligte na te kom, daarom kon hierdie tak eenvoudig nie terugsit en toelaat dat die dorp verder agteruitgaan nie. Die tak beplan verskeie groot projekte om Ottosdal weer die spog dorp te maak wat dit eens was,” sê JP Nel, AfriForum se distrikskoördineerder vir Stellaland.

AfriForum se Ottosdal-tak wil graag die gemeenskap aanmoedig om by projekte betrokke te raak en saam aan ’n beter Ottosdal te werk. Raak vandag nog by AfriForum se strukture betrokke om jóú omgewing te help verbeter en beveilig. Klik hier vir meer inligting.