Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

#OnsDorp: AfriForum-tak tel vullis op in Potchefstroom

DeurAfriForum 31/10/202531/10/2025

Die AfriForum-tak in Potchefstroom het op 25 Oktober ’n projek gehad waar hulle vullis opgetel het aan weerskante van Govan Mbekilaan, tussen Aarbeilaan en Viljoenstraat, wat ongeveer ’n kilometer is. Daar het 15 mense, waarvan vier kinders was, 39 sakke vullis opgetel en na ’n herwinningsplek weggery. Hierdie aksie was deel van AfriForum se #OnsDorp-maand, waar takke projekte aanpak om hul dorpe te verbeter.

Volgens Alta Pretorius, distrikskoördineerder van AfriForum in die Mooirivier, was dit baie harde werk, want die son was warm. Wat die werk verder bemoeilik het, is die feit dat die gras aan weerskante van die pad nie kort gesny is nie. Dit maak dit vir die morsjorse ook makliker om hulle vullis sommer in die lang gras weg te gooi.

“Ek wil ’n beroep op inwoners doen om nie hul vullis op onwettige plekke te gooi nie. Die feit dat die munisipaliteit nie die dorp netjies hou nie, beteken nie dat ons as inwoners daarby moet inval nie. Die AfriForum-tak in Potchefstroom beplan om binnekort ’n buurtspan op die been te bring wat sal kan aanvul waar die munisipaliteit tekortskiet. Ons wil ook graag met ’n herwinningsprojek begin wat die omgewing ter wille sal wees,” sluit Pretorius af.

Raak by Potchefstroom se AfriForum-tak en -buurtwag betrokke en help om jou omgewing skoon en veilig te hou. Kontak Douglas Bourn by 083 232 1020 om by die tak aan te sluit en Cornelia Blignaut by 073 390 4133 om by die buurtwag aan te sluit.