Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Majodina moet haar tasse pak ná uitbarsting teenoor gemeenskapslid – AfriForum

DeurAfriForum 10/09/202610/09/2026

Klankgreep: Lambert de Klerk (Afrikaans)

AfriForum eis Pemmy Majodina, minister van Water en Sanitasie, se afdanking ná sy gister (9 September) tydens ’n gemeenskapsbyeenkoms in Loerie in die Oos-Kaap teenoor ’n lid van die gemeenskap uitgebars het en hom met skeldtaal toegesnou het. Die gemeenskapslid is na bewering gestremd.

AfriForum hou vol dat Majodina se gedrag strydig is met etiese kode vir ministers wat onder meer bepaal dat ’n minister ten alle tye en in alle opsigte in ooreenstemming met die integriteit van hul kantoor of die regering moet optree.

Die organisasie doen verder ’n beroep op lede van die parlement wat hierdie optrede veroordeel, om ’n klag ingevolge die Wet op die Etiek van Lede van die Uitvoerende Gesag 82 van 1998 by die Openbare Beskermer in te dien sodat Majodina se optrede verder ondersoek kan word.

Lambert de Klerk, bestuurder van Omgewingsake by AfriForum, bestempel dié gedrag van ’n minister as “onaanvaarbaar”. “Die minister behoort, ongeag die omstandighede waaronder hierdie opmerking gemaak is, gemeenskapslede se besware altyd met respek aan te hoor. Die feit dat sy só gereageer het, dui daarop dat sy ongeskik is vir die posisie van minister,” verduidelik De Klerk.