Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum vergemaklik ouers se toegang na Kroonstad-skole met veilige paaie

DeurAfriForum 28/04/202628/04/2026

AfriForum se Kroonstad-tak het sedert 31 Maart reeds 10 000 kg teer gebruik om die slaggate in Senekalstraat, wat toegang tot drie plaaslike skole bied, te herstel. Hierdie projek vorm deel van AfriForum se nasionale skoleprojek wat gedurende April en Mei van stapel gestuur is en daarop gemik is om die fokus op die verbetering van skole en hul omgewing te plaas.

Volgens Johan Fourie, voorsitter van die AfriForum se Kroonstad-tak, is daar besluit om die groot aantal slaggate in Senekalstraat te takel, aangesien ouers en leerders dié pad daagliks gebruik om toegang tot Hoërskool Trio, Trio Primêr en Johan Slabbert Spesiale Skool te verkry.

Die drie betrokke skole het ook hul ondersteuning getoon deur elk ’n bydrae van 5 000 kg teer vir die projek te maak. Die herstelwerk sal na verwagting sowat 1 km van die pad voor die skole weer veilig en rybaar maak, wat ouers in staat sal stel om hul kinders veiliger by die skool te kry.

“Dit is weereens net ’n bewys dat ons as gemeenskappe ’n groot verskil kan maak wanneer ons saamwerk,” sê Christa Ikking, AfriForum se distrikskoördineerder vir die Hoogland.

“Daar is ’n groot behoefte om die dorp se skole op te knap, maar sonder die gemeenskap se bydrae is dit moeilik om groot sukses te behaal,” voeg Fourie by.

AfriForum moedig gemeenskappe aan om hande te vat en saam te werk om volhoubare oplossings vir plaaslike uitdagings te skep.