Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum takel leë erwe om misdadigers uit Vryburg te hou

DeurAfriForum 10/02/202610/02/2026

Die AfriForum-tak in Vryburg het sedert die begin van die jaar verskeie skoonmaakprojekte aangepak in ’n poging om skuiling vir misdadigers in leë erwe te verminder en sodoende misdaad in areas uit te roei. Tot dusver is daar al meer as agt leë erwe skoongemaak en ’n totaal van 1,1 hektaar se gras gesny. Die lang gras by die ingange van die dorp hou ook ’n gevaar in vir motoriste, daarom word dit instandgehou om ’n veiliger omgewing vir almal te verseker.

“Die AfriForum-tak in Vryburg is hard aan die werk om weg te doen met moontlike wegkruipplekke vir misdadigers. Leë erwe is die perfekte plek vir misdadigers om te skuil en maak dit ook moeilik om hulle tydens patrollies op te merk. Die tak se buurtspan het die taak om ’n skoner en veiliger omgewing vir al die inwoners te skep, op hulself geneem” sê Jp Nel, AfriForum se distrikskoördineerder vir Stellaland.

Intussen beplan die tak verskeie opleidingsessies vir buurtwaglede, asook selfverdedigingsopleiding vir die gemeenskap. Verder gaan die tak voort met skoonmaakprojekte en beplan om die buurtspan uit te brei om meer volhoubare projekte in die gemeenskap aan te pak.

Die Vryburg-tak wil graag die gemeenskap aanmoedig om by AfriForum aan te sluit om meer projekte soos hierdie moontlik te maak. Besoek www.wordlid.co.za om betrokke te raak.