Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se teenboelieveldtogspan en Matteus besoek Laerskool Boerefort

DeurAfriForum 29/04/202629/04/2026

AfriForum se teenboeliespan het op 22 April byna 600 leerders aan die Laerskool Boerefort in Pretoria met praktiese vaardighede toegerus om boeliegedrag hok te slaan. Die aanbieding dien as bewusmaking van afknouery en bemagtiging van leerders om boeliegedrag te herken, die gevolge daarvan te verstaan en met selfvertroue en respek daarteen op te tree.

AfriForum se boodskap, geïnspireer deur die konsep van “die volle wapenrusting van God”, het diep inslag by die leerders gevind. Die leerders het verder geleer dat boeliegedrag in enige vorm voorkom. Hoewel boelies dikwels met fisiese aggressie geassosieer word, maak sommige boelies ook van manipulasie en sosiale isolasie gebruik.

Boeliegedrag bly ’n groot uitdaging in Suid-Afrikaanse skole. Data van die Departement van Basiese Onderwys en die Verenigde Nasies se Kinderfonds (UNICEF) van 2023 toon dat ongeveer 3,2 miljoen leerders in Suid-Afrika elke jaar boeliegedrag ervaar – ongeveer dubbel die wêreldgemiddelde. Hierdie navorsing wys hoe wydverspreid en genormaliseer hierdie probleem werklik in Suid-Afrikaanse skole is.

“Omdat boeliegedrag so algemeen voorkom en so groot invloed op leerders se welstand en ontwikkeling het, is dit nie iets wat ligtelik opgeneem kan word nie. Kinders moet die erns van boeliegedrag besef en weet dat hul woorde en dade iemand wat reeds swaarkry oor die afgrond kan stoot,” sê Mari-Louise Erasmus, AfriForum se koördineerder vir Onderwys in die noordstreek en aanbieder van die teenboelieveldtog-praatjies.

“Daarom is dit belangrik dat skole boeliegedrag vinnig takel en ’n kultuur van respek en omgee bevorder. Slagoffers moet nie net leer hoe om hulself te beskerm nie, boelies moet ook leer hoe om hul optrede teenoor hul maats te verander.”

Laai AfriForum se gratis teenboeliegids hier af. Vir meer inligting oor AfriForum se teenboelieveldtog, besoek www.teenboelie.co.za.