Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum se Bloem-gemeenskapsveiligheidsentrum hanteer 253 klagtes in Februarie

DeurAfriForum 05/03/202605/03/2026

Altesaam 253 klagtes is in Februarie via AfriForum se Bloemfontein-gemeenskapsveiligheidsentrum (GVS) en die AfriForum911-reaksie-eenheid ontvang en suksesvol hanteer. Hiervan het die reaksie-eenheid op 80 noodroepe gereageer. Bykomend hiertoe het die eenheid ook twee arrestasies help uitvoer, hulp by vier brande verleen en toneelhantering en ondersteuning by tien verskillende motorongelukke gebied.

“AfriForum se GVS-beheerkamer, AfriForum911 se reaksie-eenheid en die buurtwagte bly toegewyd daaraan om die veiligheid van die gemeenskap te verseker. Ons verstrek voortdurend ons samewerking met verskeie veiligheidsrolspelers om daadwerklik teen misdaad op te tree en gemeenskapsveiligheid te bevorder. Lede van die gemeenskap word aangemoedig om by hul plaaslike veiligheidsnetwerke in te skakel sodat misdaad onderdruk kan word en enige verdagte aktiwiteite so spoedig moontlik aangemeld kan word,” sê Christo Groenewald, AfriForum se distrikskoördineerder in Bloemfontein.

AfriForum bedank elke vrywilliger en reaksielid wat hul tyd en kundigheid beskikbaar stel om die gemeenskap veiliger te maak.