Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum herstel twee reuseslaggate in Mayberry Park met 475 kg teer

DeurAfriForum 23/09/202623/09/2026

AfriForum se Alberton-tak het Saterdag, 19 September 475 kg teer gebruik om twee reuseslaggate op die hoek van Horn- en Koorsboomstraat in Mayberry Park te herstel. Voertuie moes al vir ’n geruime tyd by hierdie kruising vir dié gevaarlike gate uitswaai.

Altesaam 19 sakke teer is gebruik om die slaggate behoorlik op te vul. Dertien van die sakke was nodig om die grootste slaggat te herstel, terwyl die kleiner slaggat met die oorblywende ses sakke herstel is.

Die projek is deel van die Alberton-tak se voortgesette fokus om sigbare diensleweringsprobleme in die gemeenskap op te los en inwoners se veiligheid te bevorder. Slaggate kan nie net skade aan voertuie veroorsaak nie, maar hou ook ’n veiligheidsrisiko vir motoriste en ander padgebruikers in.

“Dit behoort nie 475 kg teer te verg om net twee slaggate by een kruising herstel te kry nie. Hierdie slaggate het motoriste en ander padgebruikers in gevaar gestel. Ons span het ingegryp omdat inwoners veilige, begaanbare paaie verdien, maar die munisipaliteit moet sy verantwoordelikheid vir behoorlike padinstandhouding nakom,” sê Clifford Smith, voorsitter van AfriForum se Alberton-tak.

Hoewel AfriForum waar moontlik prakties ingryp, bly die instandhouding van openbare paaie die verantwoordelikheid van die munisipaliteit. Die tak sal voortgaan om gebrekkige infrastruktuur deur die voorgeskrewe munisipale kanale aan te meld en druk vir volhoubare herstelwerk uit te oefen.