Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

#OnsSalSelf | Gemeenskapsake Mediaverklarings | Mediaverklarings | Vullisverwydering

AfriForum Dienste verwyder 64 ton vullis en sny gras by parke gedurende Maart

DeurAfriForum 09/04/202609/04/2026

Klankgreep: Christo Groenewald (Afrikaans)

Klankgreep: Christo Groenewald (Engels)

AfriForum Dienste in Bloemfontein het gedurende Maart 64.16 ton vullis verwyder en 64 874,50 m² se gras gesny by parke, oop velde en groen stroke.

Hierdie spanne word genoop om in te gryp weens die Mangaung Metropolitaanse Munisipaliteit se versuim om hul verpligtinge ten opsigte van dienslewering na te kom.

“Die realiteit is dat die metro eenvoudig nie meer sy werk doen nie. Openbare ruimtes word verwaarloos, wat direkte risiko’s vir veiligheid en gesondheid skep. Ons kan nie net arms gevou sit en toekyk hoe dinge agteruit gaan nie, ons rol eerder moue op en spring self in om ’n verskil te maak,” sê Christo Groenewald, AfriForum se distrikskoördineerder in Bloemfontein.

Wanneer ’n omgewing netjies is dra dit daartoe by dat onwettige storting verhoed word, verminder brandgevare en verminder geleenthede om misdade te pleeg.

AfriForum spreek ook sy opregte dank uit teenoor elke lid wat reeds aangesluit het en aktief bydra om hul huis en woonbuurt skoner, netjieser en veiliger te maak – wat projekte en dienste soos dié moontlik maak.

AfriForum doen ’n beroep op inwoners om nie passief te bly nie, maar om aktief deel te word van die oplossing. Besoek www.afriforumdienste.co.za vir meer inligting.