Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum-buurtspan sit grassnyprojekte in Vryburg voort

DeurAfriForum 28/10/202628/10/2026

AfriForum se Vryburg-buurtspan het gedurende Oktober meer as 2,8 hektaar se gras by openbare spasies en private terreine gesny. As deel van die tak se voortgesette pogings om Vryburg skoon te hou, het die toegewyde buurtspan die afgelope jaar meer as 17 hektaar se gras in die dorp gesny.

Die jongste grassnyprojek het onder meer die skoonmaak van drie leë erwe ingesluit, asook die sny van die konsentrasiekampbegraafplaas se terrein. Deur hierdie gebiede in stand te hou help die buurtspan om verwaarloosde ruimtes op te knap, belangrike historiese bakens behoue te laat bly en moontlike veiligheidsrisiko’s wat met lang gras en onversorgde terreine gepaardgaan, te beperk.

AfriForum se Vryburg-tak is deurlopend besig met verskeie gemeenskapsprojekte wat daarop gemik is om ’n positiewe verskil op die dorp te maak. Die afgelope tien maande het hierdie tak juis nagenoeg 1 500 kg se teer gebruik om slaggate op te vul.

“Inwoners kan ’n belangrike rol speel in die verbetering van hul omgewing en met praktiese betrokkenheid kan volhoubare verandering teweeg gebring word. AfriForum moedig daarom inwoners aan om nie net op ander staat te maak om ’n verskil te maak nie, maar om self betrokke te raak. Elke persoon wat bereid is om tyd en moeite in hul gemeenskap te belê, kan help om Vryburg ’n beter plek te maak,” sê Jp Nel, AfriForum se distrikskoördineerder vir Stellaland.

Raak vandag nog by AfriForum se strukture betrokke. Jy kan help om jóú omgewing te verbeter. Klik hier vir meer inligting.