Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Springs-tak versterk reaksiespan deur opleiding en fiksheidsessies

DeurAfriForum 22/10/202622/10/2026

AfriForum se Springs-tak het die afgelope drie maande daarop gefokus om sy reaksiespanlede op te lei en te ontwikkel deur middel van praktiese skietopleiding asook fiksheids- en spanbougeleenthede. In Julie vanjaar het tien lede skietopleiding ondergaan waartydens hul praktiese vaardighede verder ontwikkel is en in Oktober het ses lede ’n afsonderlike fiksheids- en spanbougeleentheid bygewoon waar die fokus geval het op paraatheid en samewerking.

Hierdie opleiding word deur AfriForum se protospanlede aangebied en is daarop gemik om ’n kerngroep buurtwaglede met meer gevorderde en intensiewe opleiding toe te rus sodat hierdie lede ingespan kan word om vinnig op meer ernstige voorvalle te reageer waar goeie samewerking en paraatheid van belang is om hierdie soort situasies te ontlont.

Deur gereelde opleiding en fisieke voorbereiding word daar gepoog om te verseker dat reaksiespanlede hul verantwoordelikhede met groter selfvertroue en doeltreffendheid kan uitvoer. AfriForum se Springs-tak bly verbind tot die ontwikkeling van goedvoorbereide buurtwaglede wat ’n aktiewe rol in gemeenskapsveiligheid speel.

“Dit is belangrik dat ons reaksielede goed kan saamwerk en wanneer mens saam op die skietbaan is of met fiksheid besig is leer mens mekaar baie goed ken. Ons leer mekaar se sterk- en sakpunte ken en só kan ons beter saamwerk wanneer noodsituasies opduik,” sê Petro Kirton, voorsitter van AfriForum se Springs-tak.