Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Suksesvolle skietdag by Pearly Beach wys op vaardigheid en veiligheid

DeurAfriForum 20/03/202620/03/2026

AfriForum se Pearly Beach-buurtwag het die afgelope naweek ’n suksesvolle skietdag by die plaaslike skietbaan aangebied. Onder leiding van Riaan Booysen, AfriForum se veiligheidsvoorsitter van die Overstrand-buurtwagte, het altesaam 12 skuts aan die dag se aktiwiteite deelgeneem. Booysen het verseker dat alle veiligheidsprotokolle streng nagekom is en dat deelnemers in ’n gestruktureerde en veilige omgewing hul vaardighede kon slyp.

“Die dag was gekenmerk deur goeie samewerking, dissipline en entoesiasme onder die deelnemers. ’n Hoogtepunt van die dag was die uitstekende prestasie van die drie dames wat deelgeneem het. Hulle het hul vaardighede met selfvertroue ten toon gestel en duidelik gewys dat hulle nie onderskat moet word nie,” sê Booysen.

Skietdae soos dié is belangrik vir die ontwikkeling van tegniese vaardighede asook vir die bevordering van verantwoordelike vuurwapengebruik en veiligheid binne die gemeenskap.

“Ons fokus bly op veiligheid, opleiding en die bou van ’n verantwoordelike en goed voorbereide gemeenskap. Skietdae bring mense bymekaar en help om vaardighede op ’n veilige en gestruktureerde manier te ontwikkel,” voeg hy by.

Die Overstrand-tak beplan reeds die volgende skietdae, wat in April by Gansbaai se pistoolbaan en in Mei in Hermanus aangebied sal word. Datums sal nader aan die tyd bekend gemaak word. Belangstellendes word aangemoedig om by www.wordlid.co.za betrokke te raak en deel te wees van toekomstige opleidingsgeleenthede.