Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Standerton-tak maak sowat 2 km se randstene skoon, ruim op ná storm en vele meer – alles in net één maand

DeurAfriForum 16/10/202616/10/2026

Sowat 2 km se randstene is skoongemaak, nagenoeg 1,5 ton se boomstompe en takke is opgesny en opgeruim en nog vele meer suksesverhale het danksy AfriForum se Standerton-tak in September in dié dorp afgespeel.

Volgens Leon Enslin, voorsitter van AfriForum se Standerton-tak, het dié tak die afgelope maand behoorlik ingespring om opknapping- en opruimingswerk te takel.

Meer as 1,26 km se randstene is al langs die R23 – vanaf die spoorwegbrug oor die Vaalrivier – skoongemaak, terwyl ’n verdere nagenoeg 500 meter se randstene by die R39- en Beyers Naudéstraat-kruising skoongemaak is.

Die tak het voorts ook die Oudveterane-huis in Meyerville se gras gesny, drie bome verwyder wat tydens ’n erge haelstorm omgewaai het, en bome in Meyerville en Kosmospark gesnoei. Hiertydens is twee bakkievragte boomafval, met ’n geskatte gewig van 1 500 kg, weggery.

Enslin sê inwoners kan help om hul dorp ’n beter plek te maak deur self betrokke te raak. “Dit maak nie saak hoe oud of jonk jy is nie, elkeen kan ’n bydrae lewer om dié dorp ’n beter plek te maak,” verduidelik hy.

Raak vandag nog betrokke

AfriForum se Standerton-tak moedig inwoners aan om betrokke te raak by soortgelyke projekte wat daarop gemik is om Standerton op te knap, te beveilig en te verbeter. Kontak Enslin vir meer inligting (082 560 6381) of besoek www.wordlid.co.za.