Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Dié ondernemings in Bloemfontein ontvang Tinteltong-toekennings

AfriForum Sakenetwerk se Tinteltong Toekennings het op 6 Mei vier unieke Bloemfonteinse ondernemings vir hul bydrae tot die bevordering van Afrikaans as besigheidstaal beloon. Blom Online, Brink of Touch Candle Company, Emhouse Plaasprodukte en Liedjiesbos het elk ’n Tinteltong-toekennng ontvang vir die verskil wat hulle in Afrikaans in hul plaaslike gemeenskappe maak.

In 2025 is daar spesifiek gefokus op plaaslike ondernemings in hul onderskeie gemeenskappe en die verskil wat hulle dáár maak.

Blom Online is vereer vir hul uitstekende diens in Afrikaans, Emhouse Plaasprodukte vir hul uitstekende bydrae tot die Afrikaanse gemeenskap, Liedjiesbos vir hul kreatiewe Afrikaanse naam en Brink of Touch Candle Company vir die kreatiewe Afrikaanse slagspreuk (“ruik dit”) vir hul reeks van Afrikaanse kerse.

AfriForum Sakenetwerk beloon vanjaar oudergewoonte innoverende Afrikaanse ondernemings met Tinteltong-toekennings. Die geleentheid in Bloemfontein, wat by die Paletas-restaurant plaasgevind het, was die eerste van vier Tinteltong Toekennings-geleenthede wat AfriForum Sakenetwerk gedurende Mei oor die land heen gaan aanbied.

Toe die Tinteltong Toekennings in 2016 tot stand gebring is, het AfriForum bevind dat 30% van die Suid-Afrikaanse besigheidsmark Afrikaans is. Daarom doen dié organisasie moeite om ondernemings te beloon wat dienste in Afrikaans lewer. Die doel van hierdie toekennings is ook om ander ondernemings te motiveer om besigheid in hul hartstaal te doen.

“Dit is ongelooflik om te dink dat ons in 2016 net vier Tinteltong-toekennings uitgedeel het en dat ons só gegroei het dat ons hierdie jaar altesaam 32 toekennings aan Afrikaanse ondernemings gaan oorhandig. Boonop word dié glansgeleentheide nou ook by AfriForum se plaaslike sakenetwerke aangebied, waar daar eens net een nasionale geleentheid was,” sê Sanderien van der Walt, bestuurder van AfriForum Sakenetwerk.

Die toekenningsgeleentheid in Bloemfontein is in samewerking met Piekfijn Ontwerp en Handgemaak, Mirna Butler Recruitment, Ernestco, Akademia en Engvision aangebied.