Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

AfriForum Teater klink ’n glasie op vier Naledi-nominasies

DeurAfriForum 02/03/202602/03/2026

Die nominasies vir die Naledi-teatertoekennings vir 2026 is bekendgemaak en AfriForum Teater is vir vier van dié toekennings benoem. Die benoemings erken die teater se tegniese uitnemendheid, kreatiewe samewerking en artistieke talent.

AfriForum Teater se eie tegniese operateur, Pieter-Louis van Twisk, is wéér genomineer vir Beste Klankontwerp vir die gewilde musiekblyspel Semi-Soet – die musiekblyspel. Hierdie benoeming is nóg ’n hoogtepunt in ’n reeds indrukwekkende Naledi-reis. Van Twisk het in 2022 die Naledi-toekenning vir Beste Klankontwerp gewen vir Die Gelofte en was ook voorheen genomineer vir sy werk aan Die Kaplyn en Aspoestertjie. Sy konsekwente erkenning onderstreep die belangrike rol wat tegniese vernuf in die sukses van grootskaalse teaterproduksies speel. Phillip Schnetler en Zöricke Snyman is ook genomineer vir hul rolle in Semi-Soet – die musiekblyspel.

Die kinderproduksie Woordedief, deur Margit Meyer-Rodenbeck in samewerking met AfriForum Teater, is benoem vir Beste Produksie vir Kinders en Jong Gehore. Dié stuk het gehore landswyd bekoor met sy verbeeldingryke aanbieding en sterk opvoedkundige waarde.

Die Naledi-toekennings word jaarliks toegeken om uitnemendheid in Suid-Afrikaanse teater te erken en word as een van die bedryf se mees gesogte eerbewyse beskou.

“Hierdie nominasies bevestig die hoë standaard van produksies wat by AfriForum Teater aangebied word,” sê Marné Jooste, bemarking-en-kommunkasiebeampte by AfriForum Teater. “Ons is ongelooflik trots op elke kunstenaar en spanlid wat tot hierdie nominasies bygedra het.”

AfriForum Teater bly verbind daartoe om gehore te verras met produksies van gehalte en om ’n platform te bied waar Suid-Afrikaanse talent kan groei en floreer.