Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum-tak in Viljoenskroon herstel 43 slaggate in strate om hoërskool

DeurAfriForum 05/02/202605/02/2026

Die AfriForum-tak in Viljoenskroon het in Januarie 43 slaggate in Viljoen- en Kerkstraat, wat om die Hoërskool Salomon Senekal geleë is, herstel nadat dié gedeelte van die pad bykans onrybaar was. Altesaam 40 sakkies teer is gebruik, wat beteken dat daar slegs in hierdie twee strate een ton teer weggewerk is. Die onkoste van die projek het R3 880 beloop.

“Die Moqhaka Plaaslike Munisipaliteit versaak die inwoners van Viljoenskroon, wat ook die belastingbetalers is. Gelukkig is dit nie in ons aard om so te lewe nie en is daar fondse van ons lede in Viljoenskroon om vir verbeterings in en om die dorp aan te wend. Ons mag egter nie ophou om druk op die munisipaliteit toe te pas dat hulle doen waarvoor hulle betaal word nie,” sê Alta Pretorius, AfriForum se distrikskoördineerder vir die Mooirivier.

“Ons het op die strate om die hoërskool, wat die ouers moet gebruik om by die skool te kom, gefokus. Hierdie strate is egter in ’n jammerlike toestand daarom is professionele ingryping van die munisipaliteit steeds nodig,” sê Attie Barnard, voorsitter van AfriForum se Viljoenskroon-tak.

Indien jy wil betrokke raak by die AfriForum-tak, kontak Barnard by 082 557 1428. Om by die Viljoenskroon-buurtwag betrokke te raak, kontak vir Herman Smit by 072 127 2250.