Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum sny sowat 2,7 hektaar gras en verwyder 84 sakke vullis in Chrissiesmeer

DeurAfriForum 14/10/202614/10/2026

AfriForum se Chrissiesmeer-tak het gedurende September sowat 2,7 hektaar gras by die historiese kerkie, die begraafplaas en langs die N17 gesny en 84 sakke vullis verwyder. Dit bring die totale aantal sakke vullis wat dié tak in die eerste nege maande van die jaar verwyder het, op 703 te staan. Dié werk vorm deel van die tak se volgehoue pogings om die dorp skoon te hou en terreine van plaaslike belang te onderhou en volg in reaksie op die Msukaligwa Plaaslike Munisipaliteit se gebrekkige dienslewering.

Een van AfriForum se vullisdromme in Chrissiesmeer

Millicent van den Heever, voorsitter van dié AfriForum-tak, sê die instandhouding van hierdie terreine is ook ’n manier waarop inwoners na die dorp en sy geskiedenis omsien.

“Die kerkie en begraafplaas is deel van Chrissiesmeer se geskiedenis en verdien om versorg te word. Wanneer ons die gras sny en vullis verwyder, wys ons dat inwoners bereid is om verantwoordelikheid vir hul dorp te neem. Ons wil hê mense moet trots kan wees op Chrissiesmeer en dat besoekers ’n versorgde dorp aantref,” sê Van den Heever.

Die tak moedig inwoners en ondernemings aan om by sy skoonmaak- en instandhoudingsprojekte betrokke te raak. Kontak Van den Heever (079 300 9402) vir meer inligting of besoek www.wordlid.co.za.