Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum se Volksrust-tak rig 64 nuwe stoptekens op binne eerste sewe maande van die jaar

DeurAfriForum 11/08/202611/08/2026

’n Totaal van 64 stoptekens is reeds sedert die begin van die jaar op Volksrust vervang, en steeds is daar géén keer aan AfriForum se Volksrust-tak se pogings om padveiligheid in dié dorp in Mpumalanga te verbeter nie.

*Lou Duvenhage van AfriForum se Volksrust-tak se handewerk*

Dié projek het die afgelope sewe maande reeds ’n reuseverskil gemaak en in Julie is werksaamhede voortgesit met die oprigting van nege nuwe stoptekens en agt pale. Ses stoptekens is opgerig by Smitstraat se kruisings met Pretorius-, Michaelson-, Chris Hani-, Krogh- en Tontelbosstraat, terwyl die gesteelde stopteken op die hoek van Volk- en Wesstraat en die beskadigde stopteken en paal op die hoek van Kruger- en Louis Trichardtstraat ook vervang is.

Volgens Johan Kennard, voorsitter van AfriForum se Volksrust-tak, bring elke nuwe stopteken wat opgerig of herstel word, Volksrust nader ’n veiliger dorp vir motoriste en voetgangers.

Kennard waarsku egter dat die oprigting en duidelike sigbaarheid van verkeerstekens en padmerkers nie opsigself padveiligheid kan verseker nie en dat veiliger paaie ook afhang van motoriste en voetgangers se nakoming van verkeersreëls. “Motoriste het ’n verantwoordelikheid om die padreëls na te kom en die blatante oortreding van dié reëls – deur onder meer stoptekens te ignoreer – skep lewensgevaarlike situasies vir ander motoriste en voetgangers,” beklemtoon hy.

AfriForum se Volksrust-tak is daarom in gesprek met die plaaslike verkeershoof om die polisiëring van verkeersreëls op dié dorp in die belang van alle padgebruikers op te skerp.

Raak betrokke

Sluit vandag nog aan by AfriForum se Volksrust-tak. Besoek www.wordlid.co.za vir meer inligting.