Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

AfriForum lê klem op dienslewering in GOP vir nuwe finansiële jaar

AfriForum se Bo-Karoo-tak het op 26 Mei amptelik skriftelike kommentaar ingedien op die geïntegreerde ontwikkelingsplan (GOP) van die Renosterberg Plaaslike Munisipaliteit vir die 2025/2026 finansiële jaar. Hierdie insette sluit hoofsaaklik probleme en aanbevelings rakende swak dienslewering vir Petrusville, Philipstown, Phillipsvale en Vanderkloof in.

“Ons voel genoodsaak om saam met die munisipaliteit te werk om noodsaaklike verbeterings in ons gemeenskappe te verseker. Basiese munisipale dienste het in verskeie dorpe drasties versleg,” sê Lize-Mari Smit, AfriForum se distrikskoördineerder vir die Karoo.

AfriForum het in sy kommentaar die volgende probleme in Petrusville, Philipstown, Phillipsvale en Vanderkloof onder die Renosterberg-munisipaliteit se aandag gebring:

Kragtoevoer: Gereelde kragonderbrekings as gevolg van verouderde infrastruktuur het ’n negatiewe impak op huishoudings, ondernemings en plase. ’n Opgradering en deeglike instandhouding van die elektriese netwerk word dringend versoek.

Ruimtelike beplanning: ’n Gebrek aan formele beplanning bemoeilik behuising en toegang tot dienste. AfriForum dring aan op die implementering van ’n ruimtelike ontwikkelingsraamwerk.
Begraafplase: Die swak toestand van begraafplase vereis onmiddellike aandag en befondsing in die begroting.
Straatligte: Die installering van sonkragstraatligte word voorgestel om veiligheid te verbeter en langtermynkostes te verlaag.
Afvalbestuur: Vullisterreine voldoen nie aan minimum standaarde nie en moet opgegradeer word in ooreenstemming met omgewingsgesondheid.
Parke en openbare ruimtes: Gebrekkige instandhouding en veiligheid maak parke onbruikbaar vir inwoners. Regulering en gereelde instandhouding is noodsaaklik.
Padinfrastruktuur: Paaie is gevaarlik met talle slaggate en min padtekens of spoedhobbels. Onmiddellike herstelwerk en duidelike padmerke is nodig.
Netheid en openbare geriewe: ’n Gebrek aan skoonmaakdienste en openbare toilette benadeel inwoners se gesondheid en waardigheid. Die gereelde skoonmaak van toiletgeriewe en die oprigting van veilige, skoon toilette word sterk aanbeveel.

AfriForum verwys ook na die toepaslike wetgewing wat vereis dat gemeenskappe betrek word by die beplanning en monitering van die GOP. “Ons hoop dat hierdie bydrae nie net oorweeg sal word nie, maar sal dien as beginpunt vir werklike verbeterings in dienslewering,” sluit Smit af.