Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Buurtwag Mediaverklarings | Mediaverklarings

Delmas Valke-buurtwag en ander beveilig N12

DeurAfriForum 27/08/202529/08/2025

AfriForum se Delmas Valke-buurtwag het op 23 Augustus saam met ander plaaslike veiligheidsrolspelers gewerk om die N12 te beveilig. Die N12 is berug vir misdade wat motoriste teiken, soos ysterpenlokvalle en kapings.

Die Delmas Valke-buurtwag het saam met die Delmas SAPD, Sundra Bulldogs en verskeie van AfriForum se hommeltuigvlieëniers in Mpumalanga gewerk om hierdie operasie ’n sukses te maak. Gevaarlike dele van die N12 is met behulp van nege hommeltuie gepatrolleer, só kon die buurtwag bepaal of daar persone is wat in die veld langs die pad lê en wag vir ’n geleentheid om motoriste aan te val.

Daar was die oggend ’n inligtingsessie om die probleemareas in die omgewing uit te wys. Die verskillende rolspelers kon insette lewer en hulle kennis deel. Sodoende kon die verskeie rolspelers by mekaar leer en inligting deel. Dit versterk ook die goeie samewerking tussen die groepe.

“Misdadigers lê langs die hoofweg en rol klippe in die pad in om motors te beskadig. Wanneer motoriste dan noodgedwonge aftrek word hulle van hul besittings beroof,” sê Carel Botha, voorsitter van AfriForum se Delmas-tak.

“Danksy die samewerking tussen ons buurtwag, hommeltuigvlieëniers, die SAPD Delmas en Sundra Bulldogs kon motoriste daardie aand veilig voel op die pad. Operasies soos hierdie het ’n reusagtige impak en help om misdaad te laat daal,” sê Hennie Bekker, AfriForum se distrikskoördineerder vir die Hoëveld.