Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

Swanton-moordsaak uitgestel om in Streekhof voort te gaan

DeurAfriForum 02/11/202602/11/2026

Die hofverrigtinge in die saak van die vermoorde Suid-Afrikaanse lugmagsersant Michael Swanton is vandag voortgesit, maar tot 16 November 2026 uitgestel waar dit in die Pretoria Streekhof sal voortgaan.

Swanton is op 28 Januarie 2026 in Pretoria-Noord doodgeskiet nadat hy en sy vrou na bewering deur persone in ’n voertuig met blouligte voorgekeer is. Twee mans, Thabang Eugene Sohole en Michael Makampe, wat destyds as lyfwagte vir die kantoor van Douglas Maimane, voormalige burgemeester van die Madibeng Plaaslike Munisipaliteit, werksaam was, staan tereg op aanklagte wat verband hou met die moord op Swanton en dwarsboming van die gereg.

AfriForum het voorheen sy regspan opdrag gegee om die saak deur middel van ’n waarnemingsopdrag te monitor weens kommer oor die beskuldigdes se politieke verbintenisse en die moontlikheid van inmenging in die regsproses.

“AfriForum sal voortgaan om die hofverrigtinge te monitor in ’n poging om deursigtigheid, aanspreeklikheid en die oppergesag van die reg te bevorder. Niemand, ongeag hul politieke verbintenisse of posisie, behoort bo die reg verhewe te wees nie,” sê Jacques Broodryk, AfriForum se hoofwoordvoerder vir Gemeenskapsveiligheid.