Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Pretoria-wateronderbreking: AfriForum-noodwaterpunte gereed om gemeenskappe te help

AfriForum het verskeie noodwaterpunte in Pretoria voorberei waar inwoners tydens die wateronderbreking, wat van Donderdag 29 Mei tot Maandag 2 Junie sal duur, water kan kry. Dié wateronderbreking is deur Rand Water aangekondig en sal groot dele van Pretoria-Oos en omliggende areas raak.

Tydens hierdie wateronderbreking sal Rand Water en die Tshwane Metropolitaanse Munisipaliteit noodsaaklike herstelwerk aan die waterinfrastruktuur verrig en watertoevoer na verskeie reservoirs moet dus afgesny word.

Alhoewel AfriForum sy dank vir die herstelwerk bevestig, benadruk die organisasie dat proaktiewe optrede, deurlopende instandhouding en goeie samewerking met die privaatsektor en gemeenskapsorganisasies noodsaaklik is om grootskaalse krisisse te voorkom.

“Die metro het ’n geskiedenis van rondhardloop van krisis na krisis eerder as om proaktief op te tree – of dit met instandhouding of kommunikasie oor kwessies is, spring die metro gewoonlik eers aan die werk sodra die krisis vlamvat. Dit is waarom AfriForum vooruit beplan en proaktief optree, om seker te maak dat gemeenskappe goed georganiseer is, veerkragtig is en reg staan vir enigiets wat oor hulle pad kan kom. Ons noodwaterpunte is net een voorbeeld hiervan,” sê Arno Roodt, AfriForum se distrikskoördineerder vir Groter Pretoria-Suid.

AfriForum se noodwaterpunte is op die volgende plekke en tye beskikbaar:

Moreletapark: Woodglen Kompleks – Wys op kaart (16h30-20h00)
Garsfontein: NG Kerk Valleisig – Wys op kaart (07h00-19h00)
Moot:

Laerskool Pierneef – Wys op kaart (24 uur)

Laerskool Villieria – Wys op kaart (24 uur)

Dorpskantoor – Wys op kaart (24 uur)

Laerskool Wonderboom – Wys op kaart (24 uur)

AfriForum waarsku dat dié wateronderbreking slegs ’n voorsmakie is van die grootskaalse infrastruktuurkwessies wat die Tshwane-metro in die gesig staar en doen ’n beroep op gemeenskappe om saam met AfriForum te werk om die nodige voorsorgmaatreëls en gebeurlikheidsplanne in plek te kry.

“Georganiseerde gemeenskappe kan enige krisis oorleef – daarom is dit belangrik vir individue, gesinne en ondernemings om hande te vat met organisasies soos AfriForum om hulself staatsbestand te maak. Die metro laat mens gewoonlik in die steek, maar sterk gemeenskappe doen selde.”

Indien jy meer oor die noodwaterpunte wil leer, of selfs een in jou gemeenskap wil laat oprig, kontak Roodt by arno.roodt@afriforum.co.za. Besoek www.wordlid.co.za om by jou naaste tak betrokke te raak en sodoende ’n daadwerklike verskil in jou gemeenskap te maak.