Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Nuwe AfriForum-buurtspan verwyder 17,6 ton vullis binne eerste twee weke ná stigting

DeurAfriForum 12/08/202612/08/2026

AfriForum se pas gestigte Kuruman-Kathu-buurtspan – wat uit slegs twee werkers bestaan – het binne die eerste twee weke sedert dié span op die been gebring is, reeds 17,6 ton vullis in Kuruman en Kathu opgeruim. Die span het in dié tyd 450 km afgelê en altesaam 160 persoon-ure gewerk om die Kuruman-Kathu-omgewing op te ruim.

*Die Kuruman-Kathu-buurtspan aan die werk*

Volgens Lize-Mari Smit, AfriForum se distrikskoördineerder in die Noord-Kaap, is dié buurtspan gestig om, waar moontlik, praktiese ondersteuning aan die gemeenskap te bied deur sigbare probleme aan te pak.

“Die buurtspan pak op ’n deurlopende basis opknapping, opruiming- en instandhoudingstake aan, want AfriForum praat nie net oor probleme – ons skep praktiese oplossings. Die resultate van die eerste twee weke wys dat selfs ’n klein span ’n groot verskil kan maak wanneer mense moue oprol en self verantwoordelikheid neem,” sê Smit.

Die buurtspan gaan intussen voort met sy werk in die Kuruman-Kathu-gebied. AfriForum moedig inwoners aan om ook betrokke te raak en saam te werk om hul gemeenskap skoon, veilig en funksioneel te hou.