Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Moreletapark-buurtwag help brand by Rietvlei-natuurreservaat blus

DeurAfriForum 01/09/202501/09/2025

AfriForum se Moreletapark-buurtwag het weens sy tydige reaksie op noodgevalle daarin geslaag om ’n veldbrand by die Rietvlei-natuurreservaat te bestry en te verhoed dat dit verder versprei.

Buurtwaglede is Sondag 24 Augustus om 15:03 ontbied nadat ’n brand by die plaaslike natuurreservaat ontstaan het. AfriForum het onmiddellik sy brandwaentjie beskikbaar gestel, wat teen 15:45 deur die betrokke buurtwaglede ingespan is. Die lede het saam met ’n veldwagter van die reservaat begin om die brand te monitor en te bestry. Kort daarna het nóg buurtwaglede aangesluit en die eerste vuurlyn onder beheer gebring.

Die span is later na ’n ander vuurlyn naby die reservaat se koffiewinkel ontplooi, waar die Tshwane-brandweer en veldwagters die koördinering van hulpbronne behartig het. Vanaf 19:00 het die buurtwag, in samewerking met die Welbekend-brandbestrydingsvereniging, die Bassewa-gemeenskapspolisiëringsforum (GPF) en die Tshwane-brandweer voorbrande gemaak om te keer dat die veldbrand verder versprei. Teen 21:30 was die brand onder beheer.

“Hierdie voorval wys weereens dat samewerking tussen gemeenskapsorganisasies, plaaslike verenigings en owerhede noodsaaklik is om brande en ander noodsituasies vinnig en doeltreffend te hanteer,” sê Dewald la Grange, voorsitter van AfriForum se Moreletapark-buurtwag. “Ons is trots op ons vrywilligers wat bereid is om tyd, energie en hulpbronne op te offer om hul gemeenskap veilig te hou.”

AfriForum bedank die betrokke personeel by die reservaat, die plaaslike brandvereniging, GPF en die Tshwane-brandweer vir hul samewerking.

Klik hier om by AfriForum se plaaslike takke betrokke te raak.