Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings

Lojaliteit, verlies en verlossing in die splinternuwe musiekblyspel RUTH

DeurAfriForum 08/09/202508/09/2025

RUTH – die musiekblyspel is ’n nuwe Engelse teaterproduksie wat gehore gaan raak met ’n tydlose boodskap van geloof, hoop en liefde. Die stuk spruit uit die kreatiewe span van Polyda van Niekerk, Jean Minique White en Ferdinand W. Gernandt en bring die Bybelse verhaal van Rut op ’n vars, hedendaagse manier na die verhoog.

Met oorspronklike musiek en lirieke deur Polyda van Niekerk verbind die produksie twee wêrelde – Bybels en modern – om temas van lojaliteit, verlies en verlossing lewendig te maak. Die verhaal van Rut en Naomi loop parallel met dié van Chloe, ’n jong student wat ná verlies weer haar voete moet vind.

Die klankwêreld wissel tussen groot ensemble-nommers, innige ballades en lewendige vierings. Wilhelm Disbergen se stelontwerp en geïntegreerde LED-beeldmateriaal skep ’n sterk visuele raamwerk wat sowel geloofsgemeenskappe as breër teatergehore sal aanspreek.

Temas wat uitstaan:

Lojaliteit en geloof in moeilike tye.
Die mens se soeke na hoop en tweede kanse.
Die krag van vroue se stemme en hulle rol in God se groter verhaal.

Produksie-inligting

Titel: RUTH – die musiekblyspel
Kreatiewe span:
- Polyda van Niekerk – konsep, vervaardiger en musiek
- Jean Minique White – skrywer
- Ferdinand W. Gernandt – regisseur en skrywer
Première: 12 September 2025, AfriForum Teater, Pretoria
Kaartjies & inligting: www.afriforumteater.co.za

Oor die produksie

RUTH – die musiekblyspel is nie net ’n vertelling uit die Bybel nie; dit vier menslike veerkragtigheid en die veranderende krag van liefde en geloof. Die produksie mik om ’n hoogtepunt op die Suid-Afrikaanse teaterkalender te wees en om gehore aan te moedig om hul eie verhale van hoop en geloof weer te ontdek.