Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

Lichtenburg-tak gebruik soveel teer om slaggate te herstel dat dit twee vullistrokke kan vul

DeurAfriForum 05/09/202505/09/2025

AfriForum se Lichtenburg-tak het gedurende Augustus soveel teer gebruik om slaggate op die dorp te herstel, dat dit bykans twee vullistrokke kon opvul. Nagenoeg 27 ton teer, asook ’n groot hoeveelheid SS60 Bitumen, is gebruik om honderde slaggate te herstel en padveiligheid in die gebied te verbeter. Hierdie projek is moontlik gemaak deur samewerking tussen AfriForum, plaaslike ondernemings en toegewyde vrywilligers.

Een van die grootste slaggatprojekte wat die tak aangepak het, was die herstel van Beyers Naudé-rylaan. Theunie Niemand, eienaar van Rousseau Vulstasie, het 800 sakke teer, twee dromme SS60 Bitumen en vier ton warm teer geskenk om dié pad, wat feitlik onrybaar was, te herstel. AfriForum se teerspan het vir twee weke lank hieraan gewerk.

Daar is ook elders ingrypende herstelwerk gedoen. In Scholtzstraat is 23 slaggate herstel met behulp van 25 sakke teer en 20 liter SS60 Bitumen. In Greeffstraat is 39 slaggate met 54 sakke teer en 40 liter SS60 Bitumen opgevul, terwyl daar in Bantjesstraat 24 slaggate reggemaak is waarvoor 35 sakke teer en 40 liter SS60 Bitumen aangewend is. In Sarel Cilliersstraat is daar ook vier spoedhobbels oorgeverf sodat dit meer sigbaar vir motoriste is.

“Wanneer paaie onbegaanbaar raak, het dit ’n impak op elke inwoner en onderneming. Elke slaggat wat herstel word, is ’n belegging in veiligheid, ekonomiese aktiwiteit en lewenskwaliteit. AfriForum bedank veral plaaslike ondernemings soos Rousseau Vulstasie en die gemeenskap wat hierdie projekte moontlik maak,” sê Pine Pienaar, projekleier en ondervoorsitter van AfriForum se Lichtenburg-tak.

AfriForum se Lichtenburg-tak moedig inwoners en ondernemings aan om betrokke te raak by die Lichtenburg Teerprojek. Saam kan ons dié dorp se paaie herstel en padveiligheid verbeter. Besoek www.wordlid.co.za om vandag nog aan te sluit. Kontak Pine Pienaar by 082 371 5312 of Jan Buscop by 082 200 8075 om by toekomstige projekte betrokke te raak.