Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

#OnsSalSelf | Gemeenskapsake Mediaverklarings | Mediaverklarings | Vullisverwydering

AfriForum Vullisverwydering: Reeds 107 ton vullis vanjaar verwyder

DeurAfriForum 03/03/202603/03/2026

AfriForum Vullisverwydering het gedurende Januarie en Februarie vanjaar 107.61 ton vullis uit Bloemfontein-gemeenskappe verwyder. Daar is in totaal 3 924 km in hierdie tyd afgelê om te verseker dat woonbuurte en openbare ruimtes skoner en netjieser kan wees.

Hierdie aksies maak ’n sigbare verskil aan die netheid, gesondheid en algemene veiligheid van gemeenskappe. In ’n tyd waar die Mangaung Metropolitaanse Munisipaliteit herhaaldelik versuim om basiese dienslewering aan belastingbetalers te verseker, staan AfriForum se gemeenskapsinisiatiewe as bewys dat praktiese oplossings wél moontlik is wanneer mense saamstaan.

“Hierdie resultate wys wat bereik kan word wanneer gemeenskappe self verantwoordelikheid neem en saamwerk vir ’n beter omgewing,” sê Christo Groenewald, AfriForum se distrikskoördineerder in Bloemfontein.

“Ons nooi inwoners én plaaslike ondernemings om by hierdie diens aan te sluit sodat ons saam ’n volhoubare verskil kan maak en Bloemfontein kan bou tot die skoon stad wat dit behoort te wees.”

Lede van die publiek wat betrokke wil raak of meer wil weet, kan AfriForum Vullisverwydering se webtuiste besoek by: www.vullisverwydering.co.za.