Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Mediaverklarings | Veiligheid Mediaverklarings

AfriForum-veiligheidsentrum in Bloem reageer op 107 noodgevalle in Augustus

DeurAfriForum 02/09/202502/09/2025

Klankgreep: Jacques Broodryk (Afrikaans)

Klankgreep: Jacques Broodryk (Engels)

AfriForum se Gemeenskapsveiligheidsentrum in Bloemfontein het in Augustus altesaam 107 noodgevalle aangeteken, wat die sentrum se doeltreffendheid, professionaliteit en toewyding aan gemeenskapsveiligheid bevestig. Die sentrum is 24/7 aktief en is ’n kritieke pilaar van plaaslike sekuriteit.

Gedurende Augustus het die sentrum in samewerking met wetstoepassers en sekuriteitsvennote ses arrestasies uitgevoer; op 13 mediese noodgevalle gereageer waar nooddienste ’n belangrike ondersteuningsrol gespeel het; en AfriForum-reaksievoertuie is 107 keer na tonele ontbied.

Hierdie syfers weerspieël die groeiende behoefte aan betroubare gemeenskapsgebaseerde veiligheidstrukture, asook die doeltreffendheid van AfriForum se geïntegreerde model wat gevorderde tegnologie, vinnige reaksie en gemeenskapsamewerking kombineer.

“Die toename in noodgevalle toon duidelik dat die behoefte aan veiligheidstrukture toeneem. Elke suksesvolle arrestasie en elke lewe wat gered word, is die resultaat van ’n spanpoging tussen ons veiligheidsentrum, buurtwagte en vennote. Ons sal voortbou om Bloemfontein en omliggende gebiede veiliger te maak” sê Jacques Broodryk, AfriForum se hoofwoordvoerder vir Gemeenskapsveiligheid.

Die sentrum werk nou saam met geregistreerde private sekuriteitsvennote soos Forum Sekuriteit, AfriForum se plaaslike buurtwagte, nooddienste en wetstoepassingsagentskappe om vinnige en gekoördineerde reaksies op voorvalle te verseker.

AfriForum doen ’n beroep op Bloemfontein-inwoners en omliggende gebiede om betrokke te raak by plaaslike veiligheidstrukture en by die groeiende beweging van aktiewe burgers aan te sluit wat ’n verskil maak.

AfriForum is reeds besig om gemeenskapsveiligheidsentrums in ander dele van die land te stig.