Who and what is AfriForum?

AfriForum is an Afrikaans civil rights organisation that protects the rights of minority groups at national as well as provincial level, and anyone who can identify with AfriForum’s principles and objectives may join the organisation. AfriForum’s community plan focuses on mobilising communities to thus take control of their own streets and neighbourhoods again. AfriForum ensures that your constitutional and civil rights are recognised and protected at national level.

Wie en wat is AfriForum?

AfriForum is ’n Afrikaanse burgerregteorganisasie wat die regte van minderheidsgroepe op sowel nasionale as provinsiale vlak beskerm, en enigiemand wat met AfriForum se beginsels en doelstellings kan identifiseer, mag by die organisasie aansluit. AfriForum se gemeenskapsplan fokus daarop om gemeenskappe te mobiliseer om só weer beheer terug te neem oor hul eie strate en woonbuurtes. AfriForum verseker dat jou grondwetlike én burgerregte op nasionale vlak erken en beskerm word.

Gemeenskapsake Mediaverklarings | Mediaverklarings

AfriForum laat gras waai om gevalle helde op Chrissiesmeer te eer

DeurAfriForum 20/06/202520/06/2025

AfriForum se Ermelo- en Chrissiesmeer-tak het uit oudergewoonte verskeie projekte aangepak om dié gebied netjies te hou. Die tak het spesifiek daarop gefokus om die historiese begraafplaas op Chrissiesmeer op te knap. Die begraafplaas is deur AfriForum-lede getakel, wat verseker het dat die gevalle helde van die Anglo-Boereoorlog se grafte nie met gras en onkruid toegegroei word nie.

Die tweede projek wat die tak aangepak het, was om die gras op die N17 tot in die dorp te sny. Hierdie projek hou nie net die dorp netjies nie, maar help ook dat motoriste se sig onbelemmerd bly wanneer hulle op dié nasionale pad ry.

“Waarom sal besoekers op Chrissiesmeer stop as die strate verwaarloos lyk? Hierdie projekte is belangrik vir toerisme op die dorp en nog meer om te verseker dat ons erfenis bewaar word,” sê Millicent van den Heever, leier van AfriForum se Chrissiesmeer-buurtwag.

Verder het die tak sy weeklikse vullisverwydering voortgesit en verseker dat die rommel wat in die vullisdromme gegooi is wat AfriForum verlede jaar op strategiese punte op die dorp geplaas het, verwyder word. Daar is altesaam 40 sakke in Mei verwyder. Dit bring die getal sakke vullis wat vanjaar verwyder is op 169 te staan.

Ondersteun AfriForum deur om by die Ermelo- en Chrissiesmeer-tak betrokke te raak. Besoek www.wordlid.co.za vir meer inligting.